කෘෂිකර්මාන්තයේ අනාගතය නව තාක්ෂණික විප්ලවය

කෘෂිකර්මාන්තය සඳහා යොදා ගත හැකි නව තාක්ෂණ ක්‍රමවේදයන් පිළිබඳව මෙම ලිපියෙන් ඉදිරිපත් කෙරේ.

එක්සත් ජාතීන්ගේ ලෝක ජනගහන අපේක්ෂා 2019 වාර්තාවට අනුව, ලෝක ජනගහනය වර්තමානයේ පවතින බිලියන 7.8 සිට 2050 වන විට බිලියන 9.7 ක් දක්වා වර්ධනය වනු ඇතැයි අපේක්ෂා කෙරේ. මෙය ආහාර සඳහා වන ගෝලීය ඉල්ලුම සැලකිය යුතු ලෙස ඉහළ නංවනු ඇත. මෙම අභියෝගයට මුහුණ දීම සඳහා, කෘෂිකර්මාන්තය නවීන තාක්ෂණය සමඟ ඒකාබද්ධ වෙමින් පවතී.

කෘෂිකර්මාන්තයේ ඉතිහාසය හා වර්තමානය: ගංගා නිම්න ශිෂ්ටාචාරය සමඟ ආරම්භ වූ අපගේ දේශීය කෘෂිකර්මය, අද වන විට තාක්ෂණය හා එක්ව විශාල වෙනස්කම් රැසකට ලක්ව ඇත. අතීතයේ මහා වැව් ඉදිකිරීම, හෙල්මලු ක්‍රමය, හා ස්වාභාවික පළිබෝධ පාලන ක්‍රම භාවිතා කළ අතර, වර්තමානයේ මෙම තාක්ෂණය තවදුරටත් වර්ධනය වී ඇත.

නව තාක්ෂණික ක්‍රමවේද:

ඉන්ටර්නෙට් ඔෆ් තිංග්ස් (IoT):

සුහුරු උපාංග හා සංවේදක භාවිතයෙන් තත්කාලීන දත්ත රැස්කිරීම හා විශ්ලේෂණය

උෂ්ණත්වය, ආර්ද්රතාවය, කාලගුණය, ජල භාවිතය වැනි වැදගත් සාධක නිරීක්ෂණය

මිනිස් මැදිහත්වීමකින් තොරව උපාංග අතර දත්ත හුවමාරුව

ඩ්‍රෝන තාක්ෂණය:

පාංශු හා වගා බිම් විශ්ලේෂණය

රෝපණ කටයුතු හා යෙදවුම් යෙදීම

බෝග තත්ත්ව අධීක්ෂණය හා සෞඛ්ය තක්සේරු කිරීම

ජල සම්පාදනය කළමනාකරණය

ස්වයංක්‍රීය රොබෝ තාක්ෂණය:

බිම් සැකසීම, මල් වර්ධනය, කප්පාදුව, බීජ පැළ කිරීම වැනි කාර්යයන් ස්වයංක්රීයකරණය

ශ්‍රම පරිභෝජනය අඩු කිරීම හා නිෂ්පාදන පිරිවැය අඩු කිරීම

මෙම නව තාක්ෂණික ක්රමවේද භාවිතයෙන් කෘෂිකර්මාන්තයේ කාර්යක්ෂමතාව, ඵලදායීතාව හා තිරසාර බව වැඩි දියුණු කළ හැකිය. මෙමගින් වැඩිවන ලෝක ජනගහනයේ ආහාර අවශ්යතා සපුරාලීමට හැකි වනු ඇත.

නිගමනය: තාක්ෂණය හා කෘෂිකර්මාන්තය අතර ඇති අන්යෝන්ය සම්බන්ධතාවය තවදුරටත් ශක්තිමත් වෙමින් පවතී. අනාගතයේ ආහාර සුරක්ෂිතතාව තහවුරු කිරීම සඳහා මෙවැනි නවීන තාක්ෂණික ක්රම වැදගත් කාර්යභාරයක් ඉටු කරනු ඇත. කෘෂිකර්මාන්තයේ දියුණුව සඳහා තාක්ෂණය අත්යවශ්ය සාධකයක් බව පැහැදිලිය.

සැකසුම - උදිත කල්හාර